Court of Special Judge (Prevention of Corruption Act) chuan MAMCO sum Rs. nuai 268 tihchingpen thubuaiah Musta Gur Rahman, Gauhati chu thiam loh a chantir a, June 5, 2023-ah hremna a puang ang.
Aizawl District Court-a Special Judge (PC Act) Dr HTC Lalrinchhana chuan nimin khan thutlukna a puang a, court thuremnaa tar lan a nih danin MAMCO managing director hlui, Lalremthanga leh a consultant, Rahman te chu contractor leh supply pek tiama contractor hnena thamna Rs. nuai 268 laah puh an ni.
Anti Corruption Bureau (ACB) chuan kum 2015 khan thubuai a siam a. Lalremthanga chu thiam loh chantirin kum nga tang turin a lo hrem tawh a, a thurualpui, Rahman-a erawh a tlan bo avangin a chungchang hi ngaihtuah lawk theih a ni lo.
Rahman hi a birukna, Delhi-ah February ni 24 khan an man a, central jail-ah dah a ni.