Aizawl : Minister C. Lalrinsanga’n nimin khan a pisa-ah a bial mi HSLC exam-a 8-na Vanlalhmangaihi chawimawina leh law -mpuina hun a buatsaih a, lawmpuina thuziak leh Rs. nuai 1 a pe.
C Lalrinsanga chuan a bial chhung chauh ni lo, Lunglei tan pa chan a chan a ngai niin a sawi a. Nikumah khan Lunglei district atanga HSLC top ten-a lang thei zirlai an awm chuan Rs. nuai 1 pek a lo tiam tawh angin Vanlalhmangihi, Lunglei Chanmari Veng hian a intiamna chu a rawn su thlu ta niin a sawi.
Vanlalhmangihi hlawhtlinna lawmpuina leh chawimawina chu Lunglei district zirlai tam zawk tan chona ni se, zirlai ten entawn tur dik an hriat thar nan hmang se a duh thu C Lalrinsanga chuan a sawi a. Vanlalhmangihi chu zirlai dangte tana entawntlak leh chhenfakawm ni chhunzawm zel turin duhsakna a hlan bawk.
Vanlalhmangihi lawmpuina leh chawimawina hun hi Lunglei East bialtu MLA, HPC Vice Chairman ni bawk Lawmawma Tochhawng bakah School Education hotute, MZP leh MSU hruaitute leh mipawimawh dang ten an telpui a ni.