Zaithiam lar Dua Lipa ch uUK sorkar thiltihah a rilru a na in, Albanian ho laka tawngkam a cheh danah ‘Sorkar rilrute lutuk’ tiin a beizui.
Kosovan-Alabanian nu leh pa atanga lo piang Dua Lipa hi London khawpui atangain khawvel eng hmu mah se, a thisen zawmpui laka hmuhsitna leh diriamna tawngkam a pai dam thei lo.
British Home Secretary Suella Braverman chuan nikum lama ramchhunga pemluh chungchang an sawihona kal zela Albanian ho tarchhuak bik a, ‘Albanian misualho’ tia tawngkam a hmang ta mai chu Dua Lipa ngaihdan a ni lo mai ni lovin, UK sorkar na takin a bei.
“A na ngawih ngawih. Heta lo pemlut te hi heng tawngkam hmang hian kan vawm zui zel dawn a ni maw.. London hi culture hrang hrang luanzana hmunah ka lo ngai thin a, khawpui nihdan tak pawh a ni. Sorkar meuhin Alabanian chungchang a sawi dan hi chu a na ve hle mai.
“Hmathlir neih loh thlak lutuk a, rilrute lutuk atanga lo chhuak a ni. Chutih rualin, hei ni mi tam tak ngaihdan pawh a ni. Tawngkam tha leh mawi tak hmangin thluaithlum tum chiam pawh ni ila, ‘Pemlut te hi he rama hna zawng zawng chhuhsaktumtu’ tia lo ngai tawk hi chu an awm reng dawn tho,” Sunday Times chanchinbu a hrilh.