Aizawl : PC party chuan Inner Line Permit (ILP) chu khawng taka ken kawh an duh a, Mizo hming hawha hnamdang sumdawngte thunun kawngah tan lak a tul thu an sawi.
PC party hruaitute chuan zirtawpni khan Aizawl press club-ah thuthar thehdarhtute an kawm a, ILP dan bawhchhia te hremna chu tih danglam an duh a, ILP hmanga Mizorama lut dan bawhchhia man an awmin, an ram lama thawn haw leh ringawt aiin sponsor tute’n sum chawi ve tawh se an duh thu an sawi a, hnamdang dan bawhchhia te thawn haw pawh sponsor tute kutah awm thei se an duh thu an sawi.
ILP online portal chu tun aiin sorkarin hmang tangkai thei se an duh thu an sawi a, he portal kaltlang hian permit neitu leh sponsor tute, permit dam chen a chhui theih vek a, hemi hmanga chhui zel an nih chuan ILP dan bawhchhiate chu hmuh chhuah zung zung a nih phah dawn a, he dan hi khawng taka ken kawh an duh tih an sawi.
PC party hruaitute chuan, Mizo hminga hawha hnamdang sumdawng te thu nun kawngah sorkarin theih tawp a chhuah a tul hle tih an sawi a, Act east policy kaklpui tak tak hun turte leh relin thuk zawka Mizoram a thlen hun turte thlirin ram leh hnam leh sakhua a him ngeina turin Mizoram sorkarin tun atangin mut mawh hnar mawhah a neih a, hma a lak a ngai tih an sawi a, kan tualzala hnam dang sumdawng kan thu nun theih nan Mizo sumdawngte thatpui tur “Royalty fee’ dan hnuaiah lak a nih theih nan sorkarin hma la se kan duh, an ti bawk.