Madhya Pradesh-a sorkar medical college paruka thawk junior doctor 3,000 dawn lai chu nimin khan an bâng.
Junior doctor-te hian stipend tihsan leh thil dangte sorkar hnena an ngiat avangin Nilaini atang khan nuarin chawlh an la.
High court chuan nawrhna huaihawttute chet dan hi dan kalh tihsakin darkar 24 ral hmain an hna zawm turin a ti.
Court thu rel dan avang hian doctor-te hian an thawhna college dean hnenah bânna an thehlut ve ta thung tih Madhya Pradesh Junior Doctors Association (MP JDA) President Dr Arvind Meena chuan a sawi.