Manipur buaina avanga Mizorama lutte awmna, Thingdawl Polytechnic tlawhin Tuirual bialtu MLA K Laldawngliana’n tanpuina thilpek a hlan.
Tuirial bialtu MLA-in raltlan a tlawhnaah hian an ei leh in tur buaipuitu R Lalenghluna’n lo dawngsawngin, an mamawhte a lo thlen a. Bialtu MLA hian dal, purunsen, chi leh buhfai bag thahnem tak, hmarcha, aieng, alu kg tam tham tak, tel leh ORS case eng emaw zat bakah dekchi lian pahnih a hlan a ni.
MLA-in damdawi thiam a hruaiten raltlante hriselna an endik bakah damdawi an sem nghal.
Manipur atanga raltlante hi PHE department kal tlangin tui pek an ni a. DM&R Dept kaltlangin mutbu nei lo mi 40 hnenah mutbu pek an ni a. Ration card ngaihtuahsakin Thingdawl retailer hnenah buhfai an la thei tawh a ni.
Thingdawl Polytechnic-ah Inrinni thleng khan raltlan mi 257 an awm mek a ni.