Khawchin zirtuten an sawi dana fur hun liam taah India hmarchhaka state hrang hrangte chuan ruah tui an dawng tam tawk lo hle a. Assam, Arunachal Pradesh leh Tripura chuan an dawn thin pangngai ang dawngin Meghalaya chauh a chuang dawng an awm.
India ramah hian khawchin zirtu, Indian Meteorological Department (IMD) chuan furpui hun hi zirtute chuan thla li chhung, June atanga September thla inkar zawng a ni thin.
September 30-a zo ta kumin furah hian Mizoram, Nagaland leh Manipur state-te phei chuan an dawn thin pangngai aia tlem ruah an dawng.
June 1 leh September 30 inkar hian Meghalaya chuan ruah mm 3,982.9 an dawng a, an dawn tura rin lawk aiin 39% zetin an dawng tam.
Zirtute chuan sawi lawk ang aia 19%-a tlem emaw, 19% emaw-a tam chu sur dan pangngai, huangah an dah a. Sawi lawk aia 20 atanga 59% zeta an dawn tam erawh chuan dawn tur aia tam ruah dawngah an chhiar.
Hetih lai hian sawi lawk aia 20 atanga 59% vela an dawn tlem erawh chuan dawng tur aia tlem dawng, ‘deficit rainfall’ tiin sawi thin a ni.
Hmarchhak state zingah rin lawk ang zat dawng zingah Arunachal Pradesh chu dinhmun tha ber niin furpui chhungin mm 1,943.7 an dawng a. An dawn tura sawi lawk aia 13%-a tam an dawng.
Hetih lai hian Assam leh Tripura-ah chuan mm 1,651.1 leh mm 1,292.9 an dawng ve thung.
IMD-in fur chhunga an dawn tur ang zat dawng pha lo hi Nagaland, Manipur leh Mizoram an ni.
India ramah hian state tin chawhrualin fur chhungin ruah mm 957.6 dawn a ni a, hei hi a nih dan tur anga sawi lawk aia 9%-a tam niin dawn thin pangngai ang dawng anga chhiar a ni.