Excise & Narcotics Department (END) in ni hnih chhungin herion kg ruk leh gram 58 (hawng 523) an man.
END hian an thu hriat bawhzuiin Inrinni zan dar 8 khan Bawngkawnah heroin gram 248 grams (hawng 22) leh a neitu nia puh – N. Ngolang (55), Sanmyo Veng, Tahan, Myanmar-a khawsa nia inchhal chu an man.
Pathianni chhun dar 12:03 khan Zemabawk East, Kanan Thar petrol pump bulah heroin kg nga leh gram 810 (hawng 501) leh he’ng heroin tawlhruknaa inhnamhnawih mi pali – Md. Nazimul Hussain Barbhuiya (34) Nutan, Ramnangar; Abdul Kalam Laskar (23), Uttar Mohanpur, P.S. Sonai; Kutbul Alom Laskar (28), Dakshin Mohanpur, Sonai leh Sukur Ali Mazumder (22), Chandapur, Lakhipur, Cachar Dist, Assam-a khawsa nia inchhalte an man bakah heroin phurh kualna atana an hman, Ashok Leyland Truck (1615HE) Regn no. AS11EC-5636 pawh man tel a ni bawk.
Heroin an man zawng zawng hi kg 6 & gram 58 (hawng 523) a ni.
Heroin vanga mante hi dan tlawhchhanin thubuai siamsak an ni.