Venghnuai in an tum ram an thleng a, LBS Suzuki 21st Inter Branch YMA Football Tournament 2023-ah champion turin final-ah 1-0 in Tlangnuam an hneh.
Zirtawpni zana Rajiv Gandhi Stadium a inkhelah Venghnuai in second half a ZD Laltlansanga freekick goal khung hmangin hnehna an chang a. A vawikhatna atan Central YMA football champion trophy an chawi.
Khawchhe hnuaia inkhel a ni a, inkhel tan tir lamah football hmuhnawm hmuh tur a awm lo. Team pahnihte an fimkhur bawk a, an starting line up ngai ringin Tlangnuam in player pakhat an tidanglam tih loh chu an rinrawlte vek in bul an tan.
First half-ah chance mumal a tam lova, team pahnihte an indang chat tawk hle.
Second half-ah pawh chance a tam lo, chuvangin huntha neih chhawr zawk team an vannei dawn tih a lang. Minute 70-naah Tlangnuam in freekick an chawi a, ZD Laltlansanga-a’n chakna goal ni turin a khung.
Tlangnuam in huntawp dawnah penalty beiseina nei mahse referee in a pe lova. Venghnuai an vannei tluan. Chutihrualin an lama vanneihna tang turin round tinah an mamawh ang an ti zel thei a, team tha paltlangin champion an phu.
Zirtawpni final inkhel result:
RG Stadium
8:00PM Tlangnuam 0-1 Venghnuai
(ZD Laltlansanga 71′)
Champion : Venghnuai, Rs 1,00,000/-Trophy+Certificate
Pahnihna : Tlangnuam, Rs 50,000/-Trophy+Certificate
Fairplay : Salem Veng , Rs 10,000/-Trophy
Best Player : Laldanmawia, Venghnuai, Rs 5,000
Trophy+Certificate
Top Scorer : Vanlalthanga, ( goal 13) Hualngohmun,
Rs 5,000/-Trophy+Certificate