Aizawl : Deputy Chief Minister Tawnluia hovin Horticulture department-in nimin khan Khawhai-ah Sapthei zamna thirzai (Galvanised Iron Wire) an sem.
Deputy Chief Minister chuan a bial chhung Chawngtlai leh Khawhai khuaahte nasa zawka Sapthei chin tharthawh leh a nih theih nan sorkar department hotute leh khawtlang hruaitute nen zau taka an inrawnkhawm thu a sawi a. A ram leilung leh boruak bakah a hralhna tur thlenga zirchian hmasak a nih hnuah hmalak a nih thu a sawi.
Sorkarin kuthnathawktute chawikan leh leirem an rah theihna tura SEDP a kalpui mek thu leh hemi hnuaiah hian trade hrang hrang dah a nih thu pawh sawiin, Dy. Chief Minister chuan ram leilung behchhana eizawnna leh intodelhna tur ngaihpawimawh a nih thu a sawi a. A bial chhunga khaw hrang hrangah thlai leh thei thahnem tak a bikin Tomato, Serthlum leh Lakhuihtheite tharchhuah a nih thu leh a hralhna kawngah Mizoram mai ni lo ram chhung hmun dang leh ram pawn thlenga thawn a nih thu sawiin, heng bakah hian Sapthei chin kawngah theihtawp chhuah chhoh leh mek a nih thu a sawi bawk.
Sapthei zamna tura pawimawh tak thirzai dap leh ngaihtuah ka- wngah theihtawp ch- huah a nih thu sawiin, Tawnluia chuan Department leh FOCUS project hmalakna kaltlanga chhawpchhuah a ni ta chu lawmawm a tih thu a sawi a. Agriculture leh Horticulture department-te chungah bial aiawhin lawmthu a sawi.
Tawnluia chuan a bial chhunga chhung- kaw 200 chuangin Sapthei chin kawnga bul an tan chho tur ph- urawm a tih thu sa- wiin, “kan ram leilung atanga sum leh pai dehchhuah hi kan mawhphurhna liau liau a ni”, a ti a. Tanpuina daw- ngtute chu an mawhphurhna hriaa theihtawp chhuaha hlawh- tlinpui tum turin a fuih a. Mizorama chin purple variety chu Sapthei tui tak leh mawi tak, a hralhna lam thlenga awlsam a nih thu sawiin, Sapthei ching turte chu phur tak leh taima taka thawk turin a chah bawk.
Sorkarin kuthnath- awktute dinchhuahna turin SEDP a ruahman thu leh Covid-19 in harsatna namenlo a thlen avangin kum 2 chhung hmalak a rem loh thu leh ruahman ang pawha hmalak chak a nih theih loh thu sawiin, tunah chuan SEDP pawh kalpui chhoh mek zel a lo ni ta a, SEDP phase I kan thlang zo tawh a, mi 60,000 tan first leh second installment kan sem zo tawh a, third leh fourth instalment leh a tul angin Rs 3,00,000 thleng pawh- in kan inpe dawn a ni, a ti a. SEDP Phase II beneficiary pawh kan thlang fel leh tawh a, tanpuina first installment pawisa pawh kan pe leh thei tep tawh a ni, a ti a. Mipuite chu mahni hmazawn theu- ha mawhphurhna tlate hlen chhuah tum tur leh, an tana sawrkarin program pawimawh tak tak a duante tihlawhtlingtu nih tum theuh turin a chah a ni.
Horticulture Department tarlan danin Khawhai khuaah hian kum 2003 atangin tih tak taka Sapthei chin tan a ni a, hemi kum hian Horticulture Department hmalaknain chhungkaw 200 in bul an tan a. An hlawhtlina an hlawkpui chhoh viau laiin, kum 2006 atangin natna avang leh a hralhna lama har- satna an tawh chhoh avangin mi tam takin an chhunzawm hleithei ta lova, chutih laiin tun thleng hian chhungkaw thum chuan beidawng lovin an la ching reng a ni. A zamna thirzaite a mawih chhiat tawh avangin pandal system chuan an ti thei tawh lova, fencing system-in an ching a. Sapthei tharte hi Kg ah Rs 70 atanga 80 in an hralh reng a ni tih sorkar thuchhuahin a tarlang bawk a ni.