MNF Adviser, Mizoram Youth Co- mmission Chairman ni bawk Vanlaltanpuia’n kum 2018-2022 chhu- nga MYC coaching atanga zirchhuak mi 141-in sorkar hna an hmu tawh niin a sawi.
MNF party chhung inkhawm nimina neihah he thu hi MYC Chairman chuan a sawi a. MYC-in thalaite ta- na hna a thawh leh an hmalakna hrang hrang sawiin, tun thla ni 12-a UPSC result chhuak- ah Mizoram atangin thalai 5-in prelims an inziaktling a, heng te hi MYC-in theihtawp chhuaha a hmalakna rah a nih thu a sawi.
Vanlaltanpuia chuan MYC-in thalai hna zawng laite tan coaching class a kalpui reng tih sawiin, kum 2018-22 inkarah MYC coaching atanga zirchhuak mi 141-in sorkar hna an hmu tawh niin a sawi a. Bank a thawk turin mi 38 an lut tawh bawk nia sawiin, private company leh insurance company ang chi-ah mi 42 an lut tawh niin a sawi bawk.
“Vawilehkhata a rah hmuh nghal theih chi a ni lo tih hria ila, nu leh pate pawhin fate tan kum khat na na na chu ran, lirthei leh rosum tiral phalin fate buaipui turin ka ngen” MYC Chairman chuan a ti a. MYC pawh beidawng lovin thalaite tan a pen zel dawn tih sawiin, “nakin lawkah rahchhuak tha kan hmu ngei ang” a ti.
MYC leh CIJW, Vairengte-in thawkdun tura thu an thlun tawh thu pawh sawiin, MYC Chairman chuan MYC-in Sipai lak runpuiah thalai, sipaia tang duh an buaipui thu leh MYC coaching kaltlanga sipaia lut mi 70 chuang an ni tawh niin a sawi.
Thalai ten competitive thinlung an neih theihna turin hybrid coaching kalpui a nih thu MYC Chairman chuan sawiin, online leh offline hmanga mi 100 kalin, course an zo chiah a, hlawhtlinna an chan ngei a beisei thu a sawi bawk.
MYC-in hlawhtlin- na pawimawh tak an nei thar nia sawiin, MYC Chairman chuan sap rama hnathawk tur ten an paltlang ngei ngai occupational English test an kalpui thei tawh tih a sawi a. Nurse zirzo tawh mi 9 te chu OET paltlangin sap ramah hnathawk turin MYC-in a tir tawh niin a sawi.
Covid hri len laia MYC-in thalaite tana eizawnna inkawhhmu- hna ‘hna inpui.com’ a siam chu North Eastern Council (NEC)-in hmarchhak pumpui tana hman turin an rawn dil a, an phalsak niin MYC Chairman chuan a sawi a. Hemi avanga lawmthu sawi nan NEC-in MYC hn- enah Rs. vbc. 3 a rawn pe nia sawiin, hmarchhak state danga ‘hna inpui.com’ thehlar tur- in MYC chu rin nghal an nih tur thu leh hemi atan hian vaibelchhe engemawzat pek belh an nih tur thu a sawi bawk.
MYC Chairman chuan Chief Minister Zoramthanga ruahmannain Covid hri len laiin MYC-in building thar pahnih an sa zo nia sawiin, Lunglei-ah Rs. vbc. 4 man MYC building sak zawh tawh a nih thu pawh a sawi a. Serchhipah MYC Pisa thar Rs. vbc. 3 senga sak zawh tawh a nih thu leh hei hi hawn thuai a nih tur thu sawiin, “Serkawna VC ten Lena Stadium sirah MYC Incubation Centre tur ram an pe a, karlehah kan tan leh mai dawn,” a ti bawk a ni.