Ultimate Fighting Championship in America khawmualpui pawn atangin MMA star thar ni tura invawrh fighter an nei a. Ilia Topuria chuan fighter tlo Josh Emmett thununin Pathianni tukah hnehna a chang.
Kum 26 mi Topuria hi vawi 13 inlan a la chak vek a ni a, Jacksonville a UFC Fight Night-ah a khingpui hi unanimous decision in a hneh a. Boxing a thiam hmangin an inkhan lo hle.
Fighter tlo leh tuarchhel Emmett hi featherweight rankings-ah pangana a ni a. Topuria hi no.9 ni ve thungin Georgian-Spanish fighter tan hnehna pawimawh a ni a. Title inchuhnaah a hming a ri ring lo thei tawh lo.
UFC featherweight champion Alexander Volkanovski chuan thla thar hian interim champion Yair Rodriguez hmachhawnin unification bout an nei dawn a. Heta chak zawk hmachhawn tur hian Topuria hi a awm ang tawh hle.