Tottenham Hotspur chuan Pound maktaduai 40 in Leicester playmaker James Maddison chu lei tumin indawrna tan an duh a, mahse Foxes lam hian kum 26 mi England star manah hian Pound maktaduai 60 tal an beisei. (Telegraph)
Napoli in Paris Saint-Germain atanga Euro maktaduai 100 a kum 24 mi Nigerian striker Victor Osimhen lei tumna an hnawl hnuah Liverpool, Manchester United leh Newcastle ten an inchuh dawn. (Gazzetta dello Sport)
Bayern Munich chu kum 29 mi Tottenham leh England striker Harry Kane lalut tura hmahruaitu an ni thei dawn a, player lamin Germany a insawn hi a duh. (Telegraph)
Newcastle United hian Premier League atanga tla Southampton atangin kum 20 mi English full-back Tino Livramento chu Pound maktaduai 15 a lakluh an tum. (Telegraph)
England player pahnih Jadon Sancho leh Harry Maguire te chu Manchester United in tun nipui a player 13 chhuahtir an phal zingah an tel. (Daily Mail)
Chelsea chuan Pound maktaduai 80 man midfielder Moises Caicedo chu mimal inremna an neihpui tawh a, mahse kum 21 mi man turah hian Brighton nen inremna an la neih a ngai. (Fabrizio Romano)
Arsenal chuan Youssouf Fofana, 24, chu West Ham United atanga England midfielder Declac Rice an lak theih dawn loh chuan ngaihven an tum a, mahse Hammers leh Newcastle ten France midfielder hi an ngaihven ve mek. (L’Equipe)
Aston Villa boss Unai Emery chuan Villarreal atangin Spanish centre-back Pau Torres, 26, chu lakluh a duh a, Pound maktaduai 51.5 a leichhuah theihna a neih chu pe kher lova lak theih an inbeisei. (Times)
Liverpool chuan Arsenal chu Southampton atanga Belgian midfielder Romeo Lavia, 19, lakluh tumnaah an elpui dawn. (Fabrizio Romano)