Congress thalai hruaitu ten Assemby Speaker Lalrinliana Sailo-in tunhnaia USA-a a zinnaah Dy. Chief Minister Deptt. chan pakhatah diklo taka Rs. nuai 100 chuang ziahbo a awm niin a sawi nia sawiin, hei hi chhui chian an phut.
Dy. Chief Minister Deptt. chan pakhata Rs. nuai 100 chuang ziahbo a awm tih a hriat thu chu Chief Minister leh Dy. Chief Minister an thutdun lai ngeia a hrilh tawh thu pawh Lalrinliana Sailo chuan a sawi niin Congress thalai hruaitute chuan an sawi a. Assemby Speaker meuhin diklo taka sum hman a awm nia lang a sawi chu sorkar pawhin a chhui chhuah thuai an rin avangin sorkar hmalakna an ngaich- ang a, tun thlenga sor- karin thawm a neih zui tak loh avangin an ta- wng chhuak ta niin Congress thalai huai- tute chuan an sawi.
Diklo taka sum tihchingpen a awm ngei nia lang, Assemby Speaker meuhin a sawi chhuahah pawh sorkar a ngawi reng chu na an tih thu Congress thalai hruaitute chuan an sawi a. Assemby Speaker Lalrinliana Sailo-in eirukna awm nia lang a sawi chu a rang thei ang bera chhui chiang tura Chief Minister leh Dy. Chief Minister chu an phut thu an sawi bawk.