India-Myanmar-Thailand Trilateral Highway sial mek chu hna 70% zawh a nih tawh thu Union Minister Nitin Gadkari-a’n a sawi.
India, Thailand leh Myanmar hian km 1,400 chuanga thui kawngpui lian sial hna hi thawkin he kawngpui hmang hian India chuan Asia chhimchhak lam ramte chu a tlawhpawh thei dawn a. Insumdawn tawnna, ei zawnna, hriselna, zirna leh khualzinna lamah ram pathumten an chhawr tur a ni.
“Hna 70% vel zawh tawh a ni,” tiin Union Road Transport & Highways Minister Gadkari hian PTI-in an kawmnaah a sawi a ni.
He kawngpui hian India atangin Manipur-a Moreh atangin Mae Sot, Thailand thleng pawh tur niin Myanmar ram chhung a kaltlang dawn a ni.
Minister hian engtikah nge zawh theih a nih ang tih leh hman tak tak theih hun tur erawh a sawi lo thung.
Ram pathum kalpawhna tur kawng hi a tirah tihkawtlai phawt a ni a. A tira tum dan chuan December, 2019-ah chuan a nih dan tur anga hman hman tum a ni.