Rapper 50 Cent chuan a fans te chu taksa insawizawi-na ngaipawimawh turin a chah a, an chenna hmuna mite tan malsawmna ni turin a fuih bawk.
A bik takin, tleirawl leh thalaite chu nundan phung pangngai leh hrisel taka nung turin a duhsak hle a ti a, video games, social media vel mai maia hun khawhral lova, harhvang taka hun hmang turin a beisei thu a sawi.
“Ka daihriat zawng zawng hrilh turin an awmnaah ka kal vek thei lova, a awmzia chu- an mahnia nawr kaltu kalna ah an kal zel dawn tihna a ni a. Mipui rawngbawl a nih loh chuan khawlaia tih tur nei lova tei kual vel mai mai hi a ni leh a. “Hunawl neih chhun chhun ah hian insawizawina hi uar takin kalpui ila tih hi ka sawi duh a ni,” tiin 50 Cent hian New York Daily chanchinbu a hrilh.