Inrinni kha Myanmar-a sipai thuneihna chelhtu, Min Aung Hlaing-a piancham a ni a, mipui lungawi lo kawngzawh chuan Inrinni khan sipai thuneihna chelhtu, Min Aung Hlaing kuang lem leh a thlalak an hal.
“Thlamuang takin chawl lo vang che,” tih leh “I pianchampha leh i thih ni inang rawh se” tih thuziakte mitthi pangparah dahin Mon state hmarlama Theinzayet khuaah kawng an zawh a, hetiang deuh hian hmun hrang hrangah hun an hmang bawk.
Inrinnia kum 65 tling, general thlalak tian khawm chu kawngzawhnaa tel pakhatin Mandalay khawlaiah halin, “Hei hi anchhia kan lawhna che a ni,” a ti.
Min Aung Hlaing hi kum 65 a tlin hnuah a nihna atanga chawl tawh tur a ni a; mahse, civil rorelna an hnehchhuh hnuah he dan hi nuai bovin a awm ta a ni.
Sipaite chuan an ram danpuiin a phal angin thuneihna hi keng tlang thei a ni tiin an puang chiang tawh.