Mizo Zirlai Pawl (MZP) leh Mizo Students Union (MSU) te niminah thukhawm chuan Mizoram Legislative Assembly Secretariat hnuaia hna lakah thil fel lo awm ngei nia hriain, order sut an phut.
Thawhlehni khan MZU leh MSU hruaitute chu MSU Pisa Puiah thukhawmin tun hnaia Assembly secretariat hnuaia translator, assistant, lower division clerk (LDC) leh upper division clerk (UDC) hna lak chungchang an sawi ho a. Hna lak dan kalphung leh hnalak dan document hrang hrangte an zirchian hnuah thil fel tawk lo leh chhungkhat laina, vua leh vang induhsakna uchuak a awm tih hriain, Assembly secretariat thuneitute chu naktuk (July 6, 2023) ral hma ngeia hnalakna order sut an phut a. July 6 hmaa hna lakna order sut a nih loh chuan Mizoram Legislative Assembly Secretariat office kawtah punkhawm an rel.