Mizo winger Lallianzuala Chhangte tan season duhawm tak ni mek chu Indian football a tuma la thlen ngai loh ram a kai a. AIFF Men’s Footballer of the Year atan thlan a ni.
Indian football team leh Mumbai City FC winger hian tun season-ah Indian Super League Player of the Season, Durand Cup Golden Boot, Hero Tri-Nation Series Player of the Tournament leh FPAI Indian Player of the Year te a dawng tawh bawk a. Indian football-ah kum khata hetiang chawimawina hui vek thei player an la awm ngai lo.
Lianzuala hian tun season-ah India tan bik match 12 khelin goal hnih a khung bakah assist vawikhat a nei a. Nizan khan Kuwait nen SAFF Championship final an khel.
Tun season-ah club football-ah Mumbai City tan inelna hrang hrangah vawi 32 a inlan a, goal leh assist belhkhawmin vawi 27 a nei a ni.