Aizawl : Bialtu MLA ruahmannaa Aizawl West III huamchhunga ri hriatna lama harsatna nei te tana a thlawna beng entirna buatsaih a nih hnuah nimin khan mi 120 te tan Redeem Hearing Aid, Dawrpui, Aizawl atangin beng dar sem chhuah a ni.
May 24, 2023 khan bialtu MLA ruahmannain Aizawl West III huam chhunga ri hriatna lama harsatna nei te tan a thlawna inentirna buatsaih a ni a. Heta inentir, beng dar mamawh mi 120 te tan bialtu MLA chuan beng dar a chah sak a, nimin atang khan a dawngtu tur te hnenah semchhuah tan a ni ta a ni.