Aizawl: MNF Adviser C Lalrinsanga, Agriculture Minister chuan MNF chu ruhrel lian tha tak, tisain phui tha taka a tuam mek thu a sawi.
Inrinnia Mizo Hnam Run, Lunglei-ah Lunglei West South Block bial atanga MNF party zawm tharte lawm luhna a hman puinaah C Lalrinsanga chuan, MNF chu Zoram leh hnam tana din a nih thu a sawi a. “Falu hlauh mai ni lo vin, zum leh hriam karah kal hmasaten nasa takin an lo bei tawh a, tuipui leh khawmualah ruang hlawm loha kalsanin kan ram tan an lo bei nasa tawh hle a ni,” tiin, MNF chu Pathianin a mite kaltlanga a din a nih thu leh economics independent pawh reiloteah an la kal thuai dawn tih a sawi.
Lunglei West bialtu MLA hian, “MNF leh Congress angte angin ZPM hian ruhrel leh mawngkhal a nei ve si lo a. Congress pawh hi chhe viau angin lang mah se, ruhrel tlem a zawng an la nei ve a. Ruhrel hi tisa in a tuam phui loh chuan engtihna mah a ni lo thung. MNF chu ruhrel lian tak, tisain phui tha taka a tuam mek a ni,” a ti.
He hunah hian MNF Sub-Headquarters Lunglei President Vanlalhmuaka bakah lawm luh atangin thu an sawi bawk.
Inrinni vek zing kar khan Agriculture Minister C.Lalrinsanga chuan Lunglei Rahsi venga YMA building leh Market shed ni bawk a hawng a. He building hi RKVY sum cheng nuai 15 leh MLA fund hmanga sak a ni.