AUSTRALIA rama Big Red Bash music festival-ah chuan zaithiam lar boral ta Tina Turner hla pakhat ‘Nutbush City Limits’ tih hla hmanga zai leh lamin mipui sang chuan an tel a, hei hi world record buah ziah lan nghal a ni.
He record siamnaah hian mihring 5,838 telin, minute nga chhung an lam a, Nutbush lam hmanga lam tam ber an ni ta.
Nutbush hrim hrim hi Australia rama an tih than tak mai pakhat a ni ve hrim hrim a, inneihnaah te, school ah leh inhmuhkhawmnaah an lam nasa thei hle.