Kumin Wimbledon hmeichhe singles inelna a champion tura rin hlawh tak Iga Swiatek chuan match point tum hnih lai a khingpui in a vuak chhuah theihna hun nei hman mahse a bei let hlawhtling a. Inkhel hmuhnawmah hnehna changin quarter-final a lut.
Centre Court-ah hmeichhe world number one hian Belinda Bencic 6-7 (4-7) 7-6 (7-2) 6-3 in a hneh.
Swiss mi seeded number 14 Bencic hian huaisen takin a inkhel a. A tir bul tan tha lo mahse Swiatek lakah hian a nawrtu zawkah tangin a dinhmun a siamtha a. Chak thei dinhmunah a ding hman.
Swiatek hian a chak hnuah, “Grass-ah inrintawkna ka neih belh zel theih nan ka tan chak hi a pawimawh hle.” tiin a sawi.
Court One a inkhel hmuhnawm dangah Elina Svitolina chuan 2-6 6-4 7-6 (11-9) in Victoria Azarenka a hneh a. Swiatek nen hian an inkhel leh ang.
Ukraine mi Svitolina hian Russia leh Belarusian player-te chu an ram indo atangin a chibai duh lo thin a. A tlawm hnuah Azarenka hi mipui lamin an ‘boo’ zui chuan sawi a hlawh hle.