Aizawl : Kolasib dist MJA hruaitu ten nimin khan Kolasib Bawrhsap John LT Sanga hmuin, Kolasib-a sorkar ram mimal hnena ṭheh tuma hmalakna a awm nia lang chungchang an sawipui.
Tunhnaiah KVK, Kolasib ram chu mi ṭhenkha- tin neihsak tumin chhinchhiahna te an lo kheng nia sawi a ni a. KVK ram chauh lo pawh Kolasib-a sorkar deptt. ram ṭhenkhat chu mimal hnena ṭheh tumna a awm a ni.
Kolasib Bawrhsap ch- uan KVK ram chhuh tum- na awm nia sawi chu SDC a enfiah tir tawh tih Kolasib MJA hruaitute chu a lo hrilh a. Dan tlawhchhan mumal tak neia sorkar deptt. ram te chu humhalh a nih thu leh sorkar deptt. ram reng reng, a neitu deptt. phalna lova luahsak emaw chhuhluih tum chu dan bawhchhiatna a nih thu a sawi bawk.
KVK, Kolasib hotute chuan KVK rama chhin- chhiahnate lo khengtute an hriatloh thu an sawi laiin, thudawnna pakhat chuan Kolasib Vengthar MNF unit hmalakna niin a sawi a. Chhinchhiahna awm atanga a lan danin KVK ram, in hmun atana beiseitute chu mi 50 vel an nih hmel niin thudawnna chuan a sawi.
Hetihlai hian Kolasib bialtu MLA, Minister K Lalrinliana’n naktukah Kolasib-a KVK ram hi a tlawh dawn nia thudawn a ni a, a tour programme-ah ‘Inhmun neilo ten inhmun an beiseina hmun KVK ram ka tlawh ang’ tia a tarlan thu dawn a ni bawk.