Aizawl: Rural Development Minister Lalruatkima hoin nimin khan RD hnuaia scheme pawimawh hrang hrang chak zawka kalpui dan thlir ho a ni.
Zonuam venga Woodland Hill Conference Hall-a thutkhawmah hian Lalruatkima chuan RD department chu thingtlang mipuite chawikanna atana department pawimawh ber leh thingtlang mite ta deuh bik a nih thu a sawi a. RD hnuaiah scheme pawimawi tak takte kum nga chhung khan kalpui a nih thu a sawi.
MNREGA phei chu India ramah ni zaah za kalpui thei awm chhun chu Mizoram state a nih thu sawiin, “Hei hi hlawhtlinna a nih bakah hripui a len lai pawha chhuanchham awm lova chhungkaw tam tak kan awm theihphahna a ni a, a lawmawm takzet a ni,” Lalruatkima’n a ti.
RD Minister chuan MzSRLM hnuaiah Self Help Group (SHG) tam tak Mizoram dung leh vangah an awm tawh a, heng SHG te hian kawng hrang hranga hma lain sum an thawkchhuak mek tih a sawi a. PMAY (Grameen) hnuaia mi harsate insakna tanpuina pawh chak takin kalpui mek a ni a, third party avangin harsatna te nau awm mah se kuminah chuan AWAAS+ pawh zawh hman tura ngaih a nih thu leh, Amrit Sarovar hnuaiah lui leh tuihna te hmun tam takah khuahte pawh ran vulhna, huan thlai enkawlna bakah ei in atan leh thil tangkai danga hman tur a ni a. He hmalakna kawngah hian Mizoram chu a thawk tha ber zinga mi a nih thu a sawi.
R.Zarzosanga, Commissioner & Secretary R Zarzosanga kaihhruaiah hian Project Director, DRDO leh BDO ten scheme hrang hrang kalpui dan an inhrilhfiah a ni.