USA forward Christian Pulisic chuan Pound maktaduai 20 in Chelsea atangin AC Milan a zawm thuai dawn.
Kum 24 mi Pulisic hi Stamford Bridge-ah hmun chang tam tawh lo tura ngaih a ni a. Medical nei turin Milan-ah Nilaini khan a awm tawh.
Kum 2019 khan Borussia Dortmund atangin Chelsea hi Pound maktaduai 57.6 in a zawm a, North America atanga chawrchhuak player manto ber a ni.
Blues tan hian match 145 khel tawhin goal 26 a khung a, kum 2021 Champions League final a Manchester City an hneh tum pawhin final-ah a inkhel.
Milan-ah hian Chelsea tana a khelhpui Ruben Loftus-Cheek a zui lut dawn a. English midfielder hian Rossoneri hi a zawm fel tawh a. Pulisic pawh hian a zui dawn niin a sawi lang tawh.
Hetihlai hian Chelsea in an squad tihthawl lam chhunzawm zelin striker David Datro Fofana chu season tluan atan loan in Union Berlin-ah an kal tir.
Kum 20 mi hian Molde atangin January-ah club hi a zawm a, first team tan vawi li chiah a la inkhel.
Blues hian tun nipuiah player hralh hnem hle in Kai Havertz leh Mason Mount ten Arsenal leh Manchester United an zawm a, Cesar Azpilicueta, Kalidou Koulibaly, Edouard Mendy leh N’Golo Kante te pawh an chhuak tawh a ni.