Everton chuan Manchester United atangin Anthony Elanga chu lakluh an duh a, Swedish forward hi Pound maktaduai 15 atanga 20 inkar velin a lakluh theih dawn.
Kum 21 mi hian kum 2021 khan United tan hian khel tanin an tan match 55 khel tawhin goal li a khung tawh.
Season liamta khan vawi 26 khelin goal erawh a khung miah lova, United hian chhuahtir an phal.
Khelhna hmun a chan tam loh avangin Elanga hian January thla khan Everton hi loan in a zawm teuh hle a, tun nipuiah a nghet a insawn turin inbiakna kalpui tawh mahse United in a man atana an beisei ang zat hi an pe ngam ang em tih hriat a ni lo.
Germany atang pawhin Sweden international hi ngaihventu an awm.
Everton hian English veteran Ashley Young chu an hnena medical a neih fel hnuah kum khat contract an ziahpui tawh bawk a. Aston Villa a contract a hman zawh hnuah England international hlui hian free transfer in a zawm.