Foreign Minister S Jaishankar leh Trinamool Congress hruaitu, Derek O’Brien te chu Rajya Sabha member atana chuhtu awm lova thlan tlin mi 11 zingah an tel.
Rorel lai, BJP chuan seat an chan belh leh a, member 93 an nei leh dawn ta a. Rajya Sabha-ah hian sorkar lai hian tam zawk nihna an chelh lo.
West Bengal-ah bial ruk, Gujarat-a bial thum leh Goa-a bial khatah July 24-ah vote thlak tur ni mah se chuhtu pakhat bak an awm loh avangin vote thlak a ngai dawn lo va. Thawhtanni hi chuh tuma hming pete inhnuhdawh theih hun tawp a ni.
Trinamool Congress paruk leh BJP candidate panga chu chuhtu awm lova thlan tlin an ni dawn ta a. Trinamool hian West Bengal-ah Rajya Sabha bial khat bye-election-ah hnehna an chang bawk.
Ram rorelna in sang zawka a term hnihna hmang mek, S Jaishankar bakah hian BJP atangin Babubhai Desai leh Kesaridev Singh Jhala te chu Gujarat atangin an tling a. West Bengal atangin Anant Maharaj leh Goa-ah Sadanand Shet Tanavade a tling bawk.
O’Brien bakah hian Trinamool Congress hruaitu dang – Sukhendu Sekhar Roy, Dola Sen, Saket Gokhale, Samirul Islam leh Prakash Barik te chu chuhpuitu an awm lo bawk.
Congress chuan bial khat hlohvin Rajya Sabha-ah member 30 chauh an ni tawh dawn a ni.
Member 245 awmna Rajya Sabha-ah hian bial sarih chu July 24 atang khan a ruak bawk a. Heng zinga pali hi Jammu & Kashmir niin pahnih chu ruat seat a ni a, Uttar Pradesh-ah pakhat a ruak bawk.
Rajya Sabha-a member awm zat hi 238 a ni ta mek a, a tam zawk ni turin 120 neih a ngai mek a. Tunah hian BJP leh a thawhpuiten 105 an nei mek.