Air Force Group captain chu MiG-21 Bison chetsualna kaihhnawih vangin nimin tuk khan a thi tih Air Force thupuangtuten an sawi.
Indo thlawhna hi combat training mission nei tura a thlawh chhuah hnuah a chesual a. Air Force chuan a thlawh chhuahna airbase awmna erawh an puangzar lo.
Thi hi Air Force Group Captain A.Gupta a thi.
“Indian Air Force chuan mitthi chhungte hi kan tawrhpuiin an tan nghet takin kan ding a. Court of Inquiry chu chetsualna chhui chiang tura tih an ni,” tih thupuangtuten an sawi bawk.
MiG-21 indo thlawhna hi a chetsual ngun em avangin ‘kuang thlawkthei’ tih leh ‘hmeithai siamtu’ tiin a hming hi phuah fiam a ni a. India ramah ringawt pawh kum 2010 leh 2013 inkarah khan 14 a lo chesual tawh a, kum 2015 leh 2018-ah khan 24 chesualin mi 39-in an lo thih phah tawh bawk.
Kum 1970 hnu lamah ringawt pawh MiG-21 chetsualna avangin Indian Air Force pilot 170-in nunna an chan phah a, civil mi 40 lai an thih phah tawh bawk.