Chelsea chuan kum 18 mi Brazilian winger Angelo Gabriel chu Santos atangin an lalut fel.
Blues in an lakluhna zat hi puanzar ni lo mahse British media te chuan Pound maktaduai 13 vel niin an tarlang.
Kum 2020 October khan Gabriel hian kum 15 leh ni 308 a upa niin first team football a khel tan a. Brazilian Serie A a inkhel thei naupang ber niin Maracana Stadium-ah Fluminense a hmachhawn.
Santos tan vawi 129 inkhel tawhin goal nga a khung tawh a. Kum 2021 khan kum 16 mi niin Copa Libertadores a goal khung thei naupang ber a ni bawk.
Brazil tan Under-15, Under-17 leh Under-20 tan te a khel tawh.