Phoenix Suns in tun NBA season thar lo awm turah hlawhtlin ngei tumin hma an la chhunzawm a. Free agent forward Bol Bol chu kum khat chhung contract an ziahpui.
Kum 23 mi South Sudanese-American mi Bol hi tun season a NBA-ah a season li na a ni a. A la chetthat ber tum niin match 70 a khel a, 9.1 points, 5.8 rebounds leh 1.2 blocks average a nei.
Suns in an team a Kevin Durant, Devin Booker, Bradley Beal leh Deandre Ayton te thlawp tur palian, ban sei player an neih belh.
Phoenix hian star player pali an neih vangin roster siksawi nasat an ngai a, player 11 minimum contract nei an kawl.
Suns hian an roster insiksawinaah hian Cameron Payne leh second round draft pick chu San Antonio Spurs hnenah an kaltir a, anni hian second round pick neih theihna tho an hmu let ang. Hei bakah hian Orlando Magic hnenah 2026 first-round pick pe in anni lamin second-round pick pathum an hmu let ve thung.