Court of Special Judge (Prevention of Corruption Act) chuan nimin khan eiruk thubuaia thiam loh a chantir, telecom department officer hlui, Subhrendu Dep Roy hremna a puang.
Aizawl District Court-a Special Judge (PC Act) Dr HTC Lalrinchhana chuan cheng nuai riat chuang ei ruk thubuaia thiam loh a chantir, Subhrendu Dep Roy chu kum khat jail tang tur leh cheng nuai thum chawi turin a hrem a, pawisa a chawi tur hi a pe thei lo a nih chuan kum thum chhung jail a tan belh ang.
Tar lan tawh thin angin telecom department officer pathumte chu Rs 8,56,112 tichingpenah puh an ni a, CBI-in thubuai hi chhuiin sum hi an tichingpen ngei tih finfiah a ni a, mi pathum zinga pahnihte chu boral tawhin, la dam awm chhun, Subhrendu Dep Roy, Kolkata mi chu hrem a ni ta a ni.