Aizawl : Kolasibah Independence Day 2023 lawm dan tur relin nimin khan sawrkar office leh tlawmngai pawl hrang hrang hruaitu te Kolasib Bawrhsap John LT Sanga hovin an thukhawm a. Bawrhsap chuan “Independence Day chu kan ram tan a ni pawimawh tak a nih angin a lawmna hun pawh urhsun tak a ruahman a tul” a ti.
Hlawhtling taka a lawmna hun kalpui a nih theih nan sorkar hnathawkte, tlawmngai pawl leh khawtlang hruaitute bak ah aurinna hmang- in mipui a tam thei ang ber tel tura sawm an nih tur thu Ba- wrhsap chuan a sawi bawk.
Independence Day 2023 lawmna chu Kolasib Sports Stadium, Project vengah zing dar 8 a neih tan tura rel a ni a, khuallian atan Minister K. Lalrinliana, Kolasib bialtu MLA beisei a ni.
Dept. hrang hrangah mawhphurhnate sem niin Armed, Unarmed leh School Parade Contingent inlan turte chu ni 8, August 2023 zing dar 6:30 atangin enchhinna kalpui tan tur a nih thu sawi a ni. Kolasib district chhung a Kawnpui leh Vairengte Sub-Division-ahte chuan a lawmna hi a hranpa a kalpui a nih tur thu thutkhawmnaah hian tarlan a ni bawk.