Second Mizoram Finance Commission-a Chairman F. Vanlalruata leh Member Secretary Lalmalsawma nimin khan Raj Bhavan-ah Larsap Dr Hari Babu Kambhampati chu hmuin, State Finance Commission report an buatsaih chu an thehlut a. State Finance Commission report hi Governor in Finance Department hnenah zirchian turin a thawn leh ang.
Sorkar thuchhuahin a tarlan danin State Finance Commission chuan state sorkarin chhiah chi hrang hrang a lak atanga tualchhung sorkar – village councils, municipalities leh autonomous district councils ten an chan tur zat bituk te, state sorkar sum bawm atanga tualchhung sorkar te tanpuina grants-in-aid pek dan tur leh tualchhung sorkar te sum dinhmun siamthatna tur chungchang te mumal taka an zirchian hnuah report an buatsaih a, he report hian kum 2021-22 atanga 2025-26 financial year chh- ung a huam dawn a ni.
Commission hian kum khat leh thla sa- wm chhung zirchianna mumal tak a neih hnu ah report hi Governor ah a thehlut a, he report hi State sorkar in a lo zirchiana a pawm hnuah a bawhzui dan “action taken report” hi Indian Danpui in a phut angin Legislative Assembly ah la pharh leh tur a ni. Report hi bung 11 a then niin phek 549 a chhah a ni tih sorkar thuchhuah chuan a tarlang.
15th Union Finance Commission atanga tualchhung sawrkar – village councils leh municipalities te tanpuina sum “local body grants” lo kal thin te hi Legislative Assembly ah March 31, 2024 hma a State Finance Commission report bawhzuina te pharh anih loh chuan dawn zui theih ani dawn tawh lo a ni, State Finance Commission report hi pawm a nih hunah chuan tualchhung sawrkar te’n State sawrkar atanga kum tina an sum dawn dan tur hria in tualchhung inrelbawlna mumal zawkin an kalpui thei dawn a ni, sorkar thuchhuah chuan a ti bawk.