Manchester City chuan Pound maktaduai 30 in Saudi Pro League club Al-Ahli hnena Algeria winger Riyad Mahrez hralh turin inremna an nei.
Kum 32 mi hi City in Japan leh South Korea a pre-season inbuatsaihna nei a an kalna tura a tel ve loh an phalsak a, Saudi lam a panna tur a ti fel ang.
Mahrez hian kum hnih contract la nei mahse City hian an beisei ang zat an hmuh chuan an player hi a chhuah an phalsak tur thu an indawrpuite hnenah hian an hriattir tawh.
Kum 2018 khan City hian Pound maktaduai 60 in Leicester City atangin Mahrez hi an lalut a. An tan match 236 khelin goal 78 a khung a, assist vawi 59 a nei bawk.
Tun season liamta bik khan match 47 khelin goal 15 a khung a. FA Cup final leh UEFA Champions League final-ah te erawh substitute bench-ah Pep Guardiola in a thut tluan tir a. Tun nipuiah chhuahtir a thlang ta a ni.
City tana a khelh chhung hian Mahrez hian Premier League title vawi li a lak bakah FA Cup vawi hnih a la tel.
Kum 2015-16 a Leicester City in Premier League title an chawina kawngah player pawimawh a ni tawh bawk.