Inter Milan chuan Colombia winger Juan Cuadrado chu Juventus a chhuahsan hnuah kum khat inremna an ziahpui a, an player thar ni turin an lalut.
Kum 35 mi hian free transfer in San Siro hi a pan a, Juventus-ah kum riat a cham chhungin trophy 11 a la hman.
Italy a mikhual lo tak Cuadrado hian Udinese, Lecce leh Fiorentina tan te pawh a inkhel tawh a. Kum 2017 khan Chelsea atangin Juventus in loan in a zawm phawt a, a hnuah Turin club hian a nghetin an lei.
Colombia tana vawi 115 inkhel tawh Cuadrado hian an ram club Independiente Medellín a hming a chher hnuah Italy a pan a. Fiorentina atang Chelsea in Pound maktaduai 24 in an lei.
England-ah beisei angin a che tha lova, Italy lamah kir lehin Juve tan hian match 314 a khel a, goal 26 a khung bakah assist vawi 65 a nei.
“Sawmtu ka nei hnem a, mahse Italy hi ka tan chuan ka ram pahnihna a ni a, ka chhungte pawhin nuam an ti a, la cham zui zel kan thlang ta a ni.” a ti.