Kum 2012 hnu lama reunion hmasak ber ni turin Creed band chuan kumthar hian band member kimin an inlan dawn tih an sawichiang ta.
Creed hian 2000 chho vel khan rimawi khawvel nasa taka barakhaihin an music kalhmang nghet leh khawng tha bawk si hmangin fan tam tak an uai thlu thei a. Brian Marshall, Scott Phillips, Scott Stapp leh Mark Tremonti te hian kumthar April 18 leh 22 hian show ngan tak neih an tum.
Social media kaltlangin, “Creed mipuite u, in nghak chhuak ta e! Summer of ’99 Cruise, April 18-22, 2024 hian Miami, FL atangin Nassau, Bahamas-ah kan inlan dawn ta e,” tiin an tarlang.
Creed hi 2004 khan inthen darhin, Brian Marshall, Mark Tremonti leh Scott Phillips te chuan ‘Alter Bridge’ band thar din an kal hrang nghal a, Myles Kennedy chu zaipui ah an ruai. Creed zaipu leh puipa ni bawk Scott Stapp erawh solo kawng a zawh ve bawk.