Aizawl: Hachhek bialtu MLA Lalrindika Ralte chuan Congress party a sorkar chuan Mizoram chhunga kuhva rah ro kal tlang thin an titawp nghal dawn niin a sawi.
A bial chhung central block fanga a zin kualnaah Hachhek bialtu MLA hian sorkar tha siam a pawimawh em em a. Chumi tur chuan hruaitu (leader) tha neih a ngai tih sawiin, “Ram kaihruaitu lu ber fuh lo sorkar hi mipuiin kan tuar a. Politics ngaihtuah lote thlengin kan tuar vek zel a ni,” tiin, mi dik leh mi rinawm, hruaitu tha, Lalsawta hova sorkar tha siam an tum naah Congress party zawm zel turin Mizoram mipui a sawm.
Hachhek bial an buaina ber chu ram chhunga kuhva thar hralh lehna a nih thu sawiin Lalrindika Ralte hian a sawi a. Foreign kuhva (smuggling) rawn kal reng avang hian kuthnathawktuten an tuar tih sawiin, “A hlawkna kan beisei ang zat pawh kan hmu pha lo nasa hle bawk a. Chuvangin, Congress party hi sorkar tha siam theia min hung chhuak anih chuan Mizoram chhunga kuhva rah ro rawn kal tlang thin hi kan titawp nghal ang a, khawtual mite duty ngai tawh lovin mahni hna theuh tang takin in thawk tawh zawk dawn a ni,” a ti.
Lalrindika Ralte chuan Congress party manifesto pakhatna, ‘|ang Puihna’ an kalpui tur chu Hachhek bial mai bakah Mizoram puma kut hnathawktute tan a tangkai dawn niin a sawi a. “Congress party-in kan ti ang kan tih chu kan ti leh ngei dawn a. Theihtawp chhuahin kan tang ang a, kan eikhawp bakah tang tak takte phei chu hlawhtling takin in ding chhuak ang tih ka tiam ngam che u a ni,” a ti bawk.