Aizawl South III Bialtu MLA Prof. F.Lalnunmawia chuan nimin khan Falkawn Branch YMA ten Manipur buaina avanga raltlan mekte chenna tur an sak chu a tlawh.
Prof. F.Lalnunmawia chuan Manipur buaina avanga raltlan thahnem takin a bial chhung an rawn bel tih sawiin, heng kan unaute lo ngaihsaktu bial chhunga YMA leh VC te chungah lawmthu a sawi a. Falkawn YMA-ten raltlante chenna tur an saksak chu ropui a tih thu a sawi bawk.
Tun dinhmunah Falkawnah hian Manipur buaina avanga raltlan mek mi 200 chuang an awm a. A tir lamah mi inte luah mah se raltalnte hi an thathnem tak deuh avangin an chenna tur hi YMA ten an sak sak ta a. Mi thahnemngai tam takin hmanrua leh sum an thawh bakah Bialtu MLA Prof. F.Lalnunmawia hian a chung tur rangva a tumsak bawk a ni.
Falkawn Branch YMA President Zomuankima chuan raltlante ngaihsak leh an chenna tur an saknaah YMA-in theihtawp an chhuah thu sawiin, mi inphalten thilpek an pe leh bialtu MLA-in ngai pawimawha an insak chung tur rangva a pek avangin lawmthu a sawi bawk a ni.