Aizawl : AMRI Hospital chuan an corporate social responsibility (CSR) kaltlangin Aizawl Traffic Police te hriselna an endik sak bakah an duty naa hman tur nihliap an hlan.
Ningani khan nihliap inhlanna leh hriselna endik sak hi Aizawl Police Station-a Traffic Police awmnaah neih niin, IGP Lalbiakthanga Khiangte chuan a hmanpui.
AMRI Group chief executive officer Rupak Barua chuan CSR hmang hian sorkar hnuai leh pawl hrang hrang tan an luangchhuak thin a, hei hian inpawhna tha zawk leh hriselna vawn uluk kawngah mi a puih thin thu a sawi.
Hriselna endiknaah hian Hepatitis B leh C kai leh kai loh enfiah sak an nih bakah mahni hriselna vawn uluk kawnga hriat tur tulte inhrilh a ni a. Vawiin hian AMRI Hospital ami senior gastroenterologist Dr Sanjay Basu chu a thlawnin Traffic Police-te hian an inentir thei bawk dawn a ni.