Aizawl : Mizo Hmeichhe Insuihkhawm Pawl (MHIP) chuan Meitei mipui thenkhatin Kuki-Zo tribal hmeichhe pahnih saruaka khaw laiah chaih kualin, an hmeichhiat puite an nghaisa lai video hi thehdarh a ni chu, “Hetiang thil rapthlak hi thleng theiah pawh kan ngaih loh a ni a, Mizoram pawn a mi pawh nise, kan Zohnahthlak pui, kan unau, kan hmeichhiat puite tawrhna chu kan tawrhna a ni a, MHIP chuan na a tiin a rum tlawk tlawk a, Zohnahthlak hmeichhiate thlavang hauh turin ke a pen zel dawn a ni,” an ti.
MHIP chuan, hmeichhe pawisawi lo diriam a, pawngsualtute zawn chhuah kawnga rang taka hma la turin leh dan ang a a na thei ang bera hrem an nih theih nan Union Minister, Women and Child Development Ministry, National Women Commission leh National Human Rights Commission te hnenah ngenna lehkha an thawn nghal bawk.