Australia captain Sam Kerr chuan training-ah a chawn a tihnat avangin an ram in World Cup a an khelh tur match hmasa pahnihah a tel ve thei dawn lo.
Ningani khan Republic of Ireland an hneh tumin Kerr hi a inkhel tawh lova, karleh a Nigeria an hmachhawn hunah pawh a tel thei dawn lo chiang.
Kum 29 mi hi Australia chanchin a hmeichhe team tana goal khung hnem ber ni lai a ni a. July 31 a Canada nen Group B a an match hnuhnung ber an khelh hunah a dam hman tawh an beisei.
Australia team chuan Kerr hian inkhelh duh mahse a hliam chu enkawl dam chian phawt a, karlehah medical team in an la endik leh phawt tur a nih thu an sawi bawk.