Everton chuan Dutch winger Arnaut Danjuma chu season tluan atan loan in La Liga club Villarreal atang hawh an tum.
Kum 26 mi hian January thla khan Goodison Park hi a zawm dawn niin a lang tawh a, club pahnihte leh amah telin inremna a awm tawh niin thu a darh hman. Nimahsela thla ruk chhung atan Tottenham a zawm ta zawk.
Danjuma hian Spurs tan game 12 chiah khelin goal hnih a khung a. Toffees hian la ngaihven zui zelin tun nipui a an player lakluh pahnihna nih tir an tum.
Sean Dyche-a pawlte hian kum 38 mi Ashley Young chu free transfer in an lalut tawh.
AFC Bournemouth winger hlui Danjuma hian an tlarhma tichak tura an duh a ni a, season liamta khan an goal khung theih loh chu an harsatna lian niin match 38 atang goal 34 chauh an khung.
Ani bakah hian Leeds winger Wilfred Gnonto leh Ajax forward Brian Brobbey te nen sawi zawm an ni a. Tun dinhmunah Dominic Calvert-Lewin chiah striker pangngai Premier League a tawnhriat nei tawh an kawl.