UFC bantamweight contender Rob Font chuan Umar Nurmagomedov a thlak dawn a, August 6 a UFC Nashville-ah Cory Sandhagen nen an inhmachhawn dawn.
Nashville a UFC Fight Night neih turah hian main event an la ni dawn lova. Bantamweight-ah erawh ni lovin catchweight-ah a ni dawn a, chawpchilh taka Font pawh luh a nih tawh avangin 140 pounds-ah an inel dawn a. Round nga chhung bout erawh a la ni ang.
20-6 MMA record nei, UFC bantamweight rankings a pasarihna ni lai Font hi August 20 a UFC 292 a Song Yadong hmachhawn tur a ni a. Nimahsela Song hi a inhnukdawk tawh a, khingpui nei lovin a awm mek.
Tunkar khan dar hliam avangin Nurmagomedov hi a inhnukdawk ve thung a. A manager Ali Abdelaziz chuan a hliam hi zai a ngai dawn tih a sawi.
Font hian April thla khan UFC 287-ah round khatnaah technical knockout in Adrian Yanez a hneh a. A zawna vawi hnih a tlawm hnuah hnehna chang lehin a inlan hnuhnung vawi sarih atang vawi nga a chak.
16-4 MMA record nei Sandhagen hi fighter hmuhnawm leh tan hlawh a ni a. March khan Marlon “Chito” Vera chu split decision a hnehin a zawnin vawi hnih a chakna a ni.
UFC bikah Sandhagen hi vawi thum chiah a la tlawm a, henga a khingpuite hi champion lai an nih loh pawhin champion hluite vek an ni.
Font hi bantamweight rankings-ah no. 4 nilai a ni a. Hnehna a chan chuan title inchuhnaah a tan boruak siamna a ni a. Kum 2021 khan Petr Yan nen interim bantamweight title an lo inchuh tawh.