Aizawl: Mizorama tlawmngai pawl pakhat Cod Nerc chuan Myanmar atanga sahimna zawnga Mizorama raltlante tanpui an hlan.
Tanpuina hi Cod Nerc dintu B. Lalchhanzova hovin Inrinni khan Tuirial leh Sesawng khua raltlante hnenah an hlan a. Cod Nerc hian USA leh India rama an thian thate atanga puihna sum an dawn hmangin chawlhkar kalta khan Mizoram hmar lam khua, Zokhawthiang leh Tinghmungah raltlan puihna hi an lo pe tawh a ni.
Cod Nerc hian Central YMA hotute pawh berawnin Aizawl hmuna raltlan awm khawmna Thuampui IDP camp leh Art & Culture Convention Centre Tourism building-ah te Orphan & Vulnerable Children te an lo pui tawh bawk a. An hmalakna thawh khatna tawp nan Tuirial leh Sesawng hmuna raltlan puihna hi an pe leh a ni.
Cod Nerc hian July 13, 2023 khan Myanmar atanga rawn raltlante puih nan damdawi lam hmanrua USA atanga an chah luh pawh Champhai ah Mizoram sorkar hriatpuinain an lo sem tawh bawk.