AZL: Inter Faith Forum for Peace and Harmony (IFPH), Manipur chuan nimin khan Inphal-a Lainingthou Sanamahi Temple, Hayingkongbal, 1st MR Gate-ah rinna hrang hrangte tihbik awm lovin chawnghei tawngtai rual an hmang.
Zing dar 9:00 atanga tanin nilengin hun an hmang a, tlai dar 5:00-ah an tin.
He hunah hian Manipur-in thla hnih chuang hun harsa a tawh mek a tawp theih nan bakah chi leh chi inkara buaina a lo reh theih nana tih a ni a. A bik takin hmeichhia leh naupangte chunga rawng taka thil thleng thin angte a tawpna atan an tih a ni bawk.
He hunah hian sakhaw hrang hrang hruaituten thuchah an sawi a, an sakhaw thute chhiarin an tawngtai bawk.