Indian thuneitute chuan Maharashtra-a lei min nasa takin khua a chhilha mi zawn hna chu ni li a thawh hnuah an tawpsan dawn ta.
Raigad district-a Irshalwadi khuaah hian ruang 27 hai chhuah a ni a, mi 57 chin hriat lohvin an la awm.
Chhanchhuah hna hi ruah nasa taka sur reng leh a hmunhma rem loh em avangin a khawlhkham nasa hle.
State minister chuan Raigad district thuneitute leh thuneitu dangte nen inrawnin chhanchhuah hna thawh hi an tawpsan ta tih a sawi.
Lei hi Nilaini zana min kha niin khuaa chenna in tam tak a hnawl a, a chhilh bawk a. Khua hi tlang chhip panna kawng lai vel tak, awihtlana awm a ni.
“A hmun hi thlen a harsa a, a kawng a khirhin a chhengchhe hle a, kal theih hun lai bik awm a ni,” tiin an sawi.
Chhanchhuah hna pawh hi a awih em avanga ruah surin a tihnal bawk avangin thawh chak theih a ni lo va, chirh a tawlh reng bawk si avangin chet chak theih a ni lo.
“Chhanchhuah hna thawktute hian a tuk zingah a hmun thleng turin darkar hnih zet hun an hmang a. A tukah erawh chuan chhanchhuah hna thawktu leh tual chhung miten thawh zel a ngamawm loh niin an sawi,” an ti.
Kar hmasaah khan thuneitute chuan chirhte hi kutlawnga then a ni a, khawl lian ang chi thlen a harsa niin an sawi.
Tun hnaiah India-ah hian state tam takin ruah tam tham tak an dawng hlawm a, hei hian tui a tilian a, lei a min nasa hle bawk a. Weather department chuan Maharashtra-ah hian ruah a la sur dawn niin an sawi a, heng zingah hian Raigad district pawh a tel a, Thawhtanniah khan sikul pawh khar a ni.
Sorkarin a chhinchhiah dan chuan khuaah hian in 43 awmin mi 228 an cheng a. Mi 144 vel hima lak chhuah an ni.
Tual chhung mi leh chhanchhuah hna thawhnaa thawkte chuan khuaah hian in pali nga vel chauh a ding tawh niin an sawi.
Khuaa chengte hi tribal an ni tlangpui a, ramngaw ringa khawsa niin lo an nei tlangpui.