Khawvel hmun tam zawka film hlawhtling, ‘Barbie’ chu Pakistan sorkarin ramchhunga chhuah a khap ta.
Margot Robbie (Barbie lema chang0 leh Ryan Gosling te inlanna ah hian star ang lar tak tak an awm thluah a, a lar vet vet hle laiin Pakistan-ah harsatna namai lo tawkin, tlangzarh hun pawh tihkhawtlai vek a ni.
Report tarlan danin, Pakistan hian film-a LGBTQ+ themes langsar lutuk chu pawm harsa a ti hle. Tunah hian Punjab biala Censor board chuan film-a thil lang thenkhat vangin khaih lailawk tha a ti a, film siamtute’n an duh loh lai leh tha an tih lohna lai ang chi an paih/tihbo hnu ah chauh ramchhunga tlangzarh ni se, tiin thu an dah.
Engtia rei nge nghah a ngaih dawn hriat ni lo mah se, buaipuitute lam hi a inhawng angreng nia sawi a awm vangin ni rei vak lo hnu-ah chuan tihchhuah theih beiseina a sang hle.
Pakistan hi Muslim ram zinga he film, ‘Barbie’ khap awmchhun a ni lova; UAE, Egypt, Qatar, Iran leh Saudi Arabia ram te chuan an lo khap bur tawh a ni