Aizawl : Mamit District Hospital-in Kaya- kalp Award, 2022-2023 3rd Prize an dawn chu nimin khan an lawm a, bialtu MLA Er H Lalzirliana’n a telpui.
Mamit bialtu MLA chuan Dist Hospital DMS leh Staff te tha- whrimna leh inpekna avanga faina kawnga inelnaah lawmman pathu- mna hial la thei nia sawiin, a lawmpui thu a sawi a. “Kan nitin hna- thawhna kawngah engkim thawk thiam, tha- wh duhna thinlung nei kan nih a tul” tiin, tha- whhona tha tak hnuaia District Hospital-in Aw- ard a dawn chu chhawmnung zela, Building hlui zawka lawmman lak the- ih a nih chuan Hospital building tharah phei chuan lawmman hlu zawk an lak theih ngei a beisei thu a sawi.
H Lalzirliana chuan “Kan nitin hnathawhna leh nun hona kawngah kan nihna/kan tihturah kan chiang tur a ni” a ti a. “Kan mihringpuite chunga kan tih tur kan hlen hi kan hna leh rawngbawlna nena inzawm tlat a nih avangin District Hospitala thawk te thahnemngai leh phur taka hna thawk turin ka chah a ni” a ti.
Bialtu MLA chuan “thenawm ramah Zo hn- ahthlak ten harsatna namailo tak an tawh avangin pawi kan tih zia leh tawrhpuina lantir nan mi tam takin vawiin khan kawng kan zawh a, Mizoram chu Zofate inpui, tlukluhna kan nih angin, kan unaute lo dawnsawn kawngah theihtawp kan chhuah zel a tul a, Sorkar pawhin theihtawp chh- uah zel a ni” a ti bawk.
Dr. Lalnuntluangi K- hiangte, Dy. CMO paw- hin Health Department tana inelna lian Kayaka- lp-ah Mamit Dist Hospital staff indaihlo tak leh Building hlui tawh chun- ga, fai inelna-a lawmman pathumna hial an la thei chu a lawmpui thu a sawi a, an kal lehzelna turah duhsakna hlanin a pawimawh ber an dam- lote tana damna ni zel turin duhsakna a hlan bawk a ni.
Kayakalp Award hi Mizorama Sorkar Hospital-te faia inelna niin, Mamit Dist Hospital hian 2015 khan pathumna hi an lo dawng tawh a, kuminah a dawng leh a ni. Kayakalp hnuaia hm- alakna-ah Hospital duty te’n mahni hna theuh an thawh duhtawk mai lov- in, faina leh thianghlimna kawnga hmasawn theih nan team anga kalpui a ni a, hma nasa takin an la a ni. Mamit District Hospital hian tehfung hrang hrangah lawman chi hrang hrang a dawng thin a, thawktute inpawhthatna leh hmalakna a zarah Best Team Award 2019-2020 khan dawn a ni tawh bawk.
Kayakalp Award denchhen hian District Hospital hnuaia thawkte hmasawnna lawmman/Award, Best Staff Nurse Award, Best Supporting Staff Award leh Best Group D Award- te buatsaih a ni a. Best Staff Nurse-ah hian Lalhlimpuii Hmar niin Best Supporting Staff Award hi Linda Zonunsangi’n dawngin, Best Group D Award hi R. Lalnunmawii hnenah hlan a ni bawk a ni.