Wilfred Zaha chuan Crystal Palace a chhuahsan hnuah Turkish club Galatasaray hnenah kum thum contract a ziak.
Kum 30 mi Zaha hian kum khatah Pound maktaduai 3.75 a hlawh dawn a, a contract-ah hian signing bonus Pound maktaduai 2 a tel tih club in an sawi.
Ivory Coast forward hi Palace academy chhuak niin an hnenah season khat tih loh chu a football khelh hun chhung a la hmang vek. An tan vawi 458 inkhel tawhin goal 90 a khung bakah midang khung tur vawi 76 a siamak.
Zaha hian, “Palace chairman Steve Parish, ka teammate te, coach-te leh fans zawng zawngte hnenah ka chunga rinna an nghah avangin lawmthu ka sawi duh a. Vawiin ka thlen theih chhan hi an ni.” tiin a club hlui a thlah.
Zaha hi England tan friendly-ah vawi hnih inkhel tawh mahse inelna a hmachhawn loh avangin Ivory Coast tan a khel thei a, kum 2017 khan Ivory Coast tan a inkhel tan.